مجدلاني في ذكرى ميلاد الرئيس الشهيد الحريري: نضال تيارك لن يهدأ. | عاهد النائب عاطف مجدلاني الرئيس الشهيد رفيق الحريري في ذكرى ميلاده "أن نضال تياره لن يتوقف والمسيرة لن تهدأ وسفينة نهجه مهما صارعت الأمواج ستصل إلى شط الأمان. وقال: "يا سيد الشهداء، وانت عايش بالخلود، سني جديدة كبرت فيها، وانت ساكن بالقلوب والضلوع. ما في هدني النا مع ذكراك، وبذكرى ميلادك منعايدك، يا الغايب وانت بالبال، بكل انانيتنا اشتقنالك. اشتقنا للرجل - القرار اللي فيك. اشتقنا للوعي والصلابة والحكمة اللي فيك. وللثقة والعنفوان والتمرد اللي رسمو نهجك. اشتقنا. يا الرجل بحجم وطن، المجرم اللي اسقطك شهيد قاصد بغيابك يصير الوطن جسد بلا روح. وصار الطائف اللي لبسو الوطن ليكون دستور ونهج ووحدة شعب ومؤسسات واليوم صار قطعة قماش بالية كل فئة بتفصلها ع قياسها. وطن بلا رئيس وقصر مهجور حتى من الصدى. حكومة لا حول ولا قوة، بمية راس وراس، نايمي واحلامها كوابيس عم تشتي كوارث ع شعبها ومجلس حركة بلا بركة عم بفتش ع جنس الملايكي، وشعب عم يصرخ وجع، ووسخ الممارسة عيشو مع زبالتو". أضاف: "يا سيد الشهداء، علمتنا انو ما في حدا اكبر من وطنو، وانت كنت القوي ليكون في وطن بحجم احلامك، واليوم الوطن صار حلم، وحتى الضعف تعب وقرف من مؤسساتو". وختم: "يا سيد الشهداء، نضال تيارك ما رح يوقف، ومسيرة ما رح تهدأ لانو الحق معنا والخير لا بد ما يقهر الشر، ويبقى عهدنا الك امانة ووفاء لروحك الساكني سما هالوطن. سفينة نهجك، ومهما صارعت الامواج، رح توصل لشط الامان ورح يكون في فجر جديد. شموع سنين خلودك ما رح تنطفي، وكل سني رح نزيدن شمعة تينوروا حكاية مجد كتبتها، نخبرها لاولادنا. هيدا رفيق الحريري".  

Tripoli Scope - أخبار طرابلس لبنان - Lebanon News Now 24 | تريبولي سكوب - موقع طرابلسي يتفرد بتسليط الضوء على مدينة طرابلس خاصة والشمال ولبنان عامة. طرابلس ، لبنان ، تريبولي سكوب ، أخبار... - Akkar,lebanon,tripoli,tripoliscope,news,scope,north , Lebanon, News, Middle East, Lebanon News, Middle East News, News in Lebanon, Breaking News Lebanon, Lebanese news portal, Politics, Economy, Sports, Entertainment لبنان ٢٤، لبنان، أخبار، الشرق الأوسط، أخبار لبنان، أخبار الشرق الأوسط، خبر عاجل لبنان، سياسة، إقتصاد، رياضة، ثقافة

Back End Admin
 
تواصل معنا
        
خاص بالإعلانات
آخر الأخبار
 

خاص الموقع