سكاف في تكريم عائلات شهداء زحلة: يحق لزحلة امتلاك قرارها ولا أحد. | أحيت "الكتلة الشعبية" ذكرى معارك زحلة، التي جرت في 2 نيسان العام 1981، باحتفال أقيم على مسرح الكلية الشرقية في المدينة، كرمت فيه عائلات الشهداء الذين سقطوا في هذه المعارك. حضر الاحتفال رئيسة الكتلة ميريام سكاف، النواب: طوني أبو خاطر ممثلا بعقيلته غلوريا، عاصم عراجي، جوزف المعلوف وشانت جنجنيان، الأمين العام للمجلس الكاثوليكي الأعلى العميد شارل عطا، الأرشمندريت تيودور غندور ممثلا متربوليت زحلة وبعلبك وتوابعهما للروم الأرثوذوكس المطران انطونيوس يونان الصوري، رئيس دير مار الياس الطوق الأب جان مطران ممثلا رئيس عام الرهبنة الباسيلية الشويرية الأرشمندريت ايلي معلوف، رئيس الكلية الشرقية الأب سابا سعد، ممثلو أحزاب، أعضاء من المجلس البلدي، مخاتير المنطقة وحشد من الشخصيات والفاعليات وأهالي زحلة. إستهل الاحتفال بالنشيد الوطني، فكلمتان لعريفي الحفل زاهي فرحات وجومانا زعتر، رتل بعدها الفنان نقولا الأسطا صلاة دينية عن أرواح الشهداء. ثم ألقت سكاف كلمة باللهجة العامية، تحدثت فيها عن "معاني البطولة والإباء والصمود"، معلنة عن "قرار الكتلة الشعبية بإعادة النصب التذكاري لشهداء زحلة إلى ساحة الشهداء في وسط المدينة"، مؤكدة "حق زحلة بامتلاك القرار". وجاء في الكلمة: "مسا الخير. مسا عنفوانك يا زحلة، وشهدائك الي بالوجدان. مسا لبنان، هالتاريخ الي عم يجمعنا، مقدس. بنلتقي فيه ع وحدة الدم، ع معنى الوجود والتمسك بالارض. 2 نيسان، منو يوم بيجي بعد كذبة. منو رقم بين ارقام السنة، هوي عمر عشتوه وصنعتوه، منو امجاد بتتخبر لكل الاجبال. 2 نيسان، ربيعكن الي تحول لرماد، شجرو صار بلون قرميد السطوح، وزهورو بكيت ع صوت البارود. مهما مرت سنين، بعدا الصورة بالبال، بعدا دموع الامهات عم تحرس الذكرى. ولادن بعدن ساكنين ع حيطان البيوت، باقين متل لكأنن عايشين، بنضويلن شموع وبيضوولنا راس مرفوع. يا امهاتنا، الي قدمتو الحكمة للتاريخ، يا نساء، الله صنعها من حديد وحب: انتو كنتو للمعركة صوتا الجريء، صرختكن بهاك الايام، كانت عم بتوازي معارك رجال عالجبهات، قوتكن وتحدياتكن هيي وحدها كانت جبهة مفتوحة. والتاريخ ما بيمحي حدا وبيضل يخبر، عن ناس قرروا يقاوموا، يتحدوا، ويتحدوا. عن زحلة الي ما بتنام اذا لمحت الخطر، عن بيوت الخبز والملح مع المدافعين عنها، عن سيارات صارت مستشفيات، عن زوايا صارت ملاجئ، عن حصار بقرار، عن عدو صار يشوف الكنسية هدف وتمثال العدرا محور، عن شهدا انتو الهن شهود. ما بيمرق 2 نيسان ع بال النسيان، هيدا تاريخ فات ع جغرافيا ليصنع حكاية بهالشرق المسيحي العظيم. كتار من خارج هالمدينة، ما رح يشوفوا من نيسان ال 81، الا مرحلة صعبة متل كل المراحل الدامية الي مرقت ع وطنا. ورح يعتبروا هالتاريخ نقطة ببحر الدم اللبناني الي استمر 15 سنة. بس إنتو يا أهلنا، أثبتو انو حتى بالمعارك عندكن علامة امتياز. قلبتوا المقاييس وخليتوا مدينتكن مثال أعلى للصمود، للدفاع عن بيوتكن وناس هالبيوت، مثال للايدين الي بتعطي لمن بتكون سوا. فكل مناضلي هيديك المرحلة، بيحكوا عن توحيد الصفوف، عن اللجان الشعبية، عن الحراس الي محصنين ضد التلج والنار، عن انضباط وإلفة وكرم وعزم، والأهم إنو ب 3 أشهر قدروا الزحليين يمنعوا تقسيم مدينتن ويرفضوا التهجير وما يتركوا زحلة للطامعين بموقعها. إنتو للتاريخ، تاريخ، والي انكتب قبل 35 سنة، فات ع 300 سنة سابقة، كدست بطولات خلت زحلة عريقة بوحدتا ولبنانيتا ومسحييتا وشراكتها وتفاعلها مع كل الطوائف. إحياء هالذكرى، ما بدو جهد بالوصف، لأنو زحلة ال 81 بتحكي عن نفسها وبتصدر بطولات للأخرين. من هون، نحنا بنصر على إنو حق زحلة يكون قرارها بإيدها. من هون النبع ولغيرنا المجرى، وما حدا بيقدر يلغي دور هالمدينة الي حاربت جيوش. ولأنو كل موقع لازم يحمي موقعو، ولأنو كل شي لازم يرجع لمحلو، بنعلن الكن يا أهلنا: إنو نصب الشهدا، حيعود لساحة شهدا زحلة، عبر إعادة تأهيل هالساحة لتكون مطرح بليق بعظمة الشهادة والتضحيات الي قدموها شهدائنا الابرار". وفي الختام، أدى الفنان نقولا الأسطا، مجدداعددا من الأغاني الخاصة بالمدينة، مثل: "زحلة النجم الما بينطال" و"زحلة يا دار السلام". ثم قدمت له سكاف درعا تقديرية كعربون محبة، كما قدمت لأهالي الشهداء المحتفى بهم، دروعا تكريمية، تخليدا ل"ذكرى أبطال صنعوا مجد مدينتهم".      

Tripoli Scope - أخبار طرابلس لبنان - Lebanon News Now 24 | تريبولي سكوب - موقع طرابلسي يتفرد بتسليط الضوء على مدينة طرابلس خاصة والشمال ولبنان عامة. طرابلس ، لبنان ، تريبولي سكوب ، أخبار... - Akkar,lebanon,tripoli,tripoliscope,news,scope,north , Lebanon, News, Middle East, Lebanon News, Middle East News, News in Lebanon, Breaking News Lebanon, Lebanese news portal, Politics, Economy, Sports, Entertainment لبنان ٢٤، لبنان، أخبار، الشرق الأوسط، أخبار لبنان، أخبار الشرق الأوسط، خبر عاجل لبنان، سياسة، إقتصاد، رياضة، ثقافة

Back End Admin
 
تواصل معنا
        
خاص بالإعلانات
آخر الأخبار
 

خاص الموقع